MWC बार्सिलोना 2022 मा चाइना युनिकमको 5G प्राइभेट नेटवर्क प्लस उपलब्धिहरूको घोषणा गरिएको थियो । यसले कसरी एज इन्टरकनेक्सनका लागि प्राइभेट नेटवर्कहरू, उच्च-विश्वसनीय क्याम्पस नेटवर्कहरू र विभेदित सेवाहरूका लागि अनुकूलित नेटवर्क स्लाइसिङले 5G विकास र औद्योगिक डिजिटलाइजेसनलाई बढावा दिइरहेको छ भन्ने विस्तृत जानकारी दिएको छ । यो कार्यक्रम ह्वावे, चाइना युनिकम, GSMA, Midea, Ferrotec, च्यांगआन अटोमोबाइल, हाइकरोबोट र सान्शी शीआंगिंग कोकिंग कोल ग्रुप ले संयुक्त रूपमा आयोजना गरेको थियो ।
चाइना युनिकमका उपाध्यक्ष लियाङ बाओजुनले उक्त कार्यक्रममा चाइना युनिकमले आफ्नो 5G एप्लिकेसन “सेलिङ” कार्ययोजना (२०२२-२०२५) लाई पाँच वटा मुख्य लक्ष्यहरू हासिल गर्न जारी राखेको बताउनु भयो: जसमा कम्प्युटिङ-नेटवर्क एकीकरणको जग बलियो बनाउने, 5G को इन्टिग्रेसन र इनोभेसनलाई गहिरो बनाउने, 5G एप्लिकेसन सुरक्षा प्रवर्द्धन गर्न, इनोभेटिभ 5G एप्लिकेसनहरू सिर्जना गर्ने, साझेदारहरूसँग काम गर्ने र अन्तमा यी एप्लिकेसनहरू रेप्लिकेट गर्ने रहेका छन् । यी कार्यहरूले 5G एप्लिकेसनहरूको व्यावसायिक रूपान्तरणलाई गति दिन मद्दत गर्नेछ, सूचना उपभोग, भर्टिकल उद्योग र सामाजिक आजीविका जस्ता थप क्षेत्रहरूलाई डिजिटल गर्न सक्षम पार्नेछ ।
5G उद्योगको विकास हुँदै गर्दा क्यारियर इनोभेसन र उद्योग साझेदारीहरू, औद्योगिक एप्लिकेसनको लागि बढ्दो रुपमा महत्त्वपूर्ण रहेका छन । चाइना युनिकम बिग डाटाका प्रमुख वैज्ञानिक फ्यान जिआनले “5G प्राइभेट नेटवर्क 1.0 को तुलनामा चाइना युनिकमको 5G प्राइभेट नेटवर्क प्लसले तीन क्षेत्रमा सफलता हासिल गरेको छ – नेटवर्क क्षमता, उद्योग अनुकूलन र सेवा रोलआउट र सञ्चालन । हामीले 5G VPN क्षमता र स्थानीय निजी नेटवर्कहरू एज इन्टरकनेक्सन, क्याम्पसहरूको लागि विश्वसनीयता र स्लाइस-आधारित सेवा आश्वासनको सन्दर्भमा फराकिलो निजी नेटवर्कहरू विस्तार गरेका छौं र यी नेटवर्कहरूको प्रयोगलाई बाहिरी गैर-उत्पादन सेवाहरूबाट कोर उत्पादन चरणहरूमा विस्तार गरेका छौं” भनेर थप व्याख्या गर्नुभयो ।
एज इन्टरकनेक्सनका लागि प्राइभेट नेटवर्क: 5G LAN सँग बहु-AGV सहयोग
5G प्राइभेट नेटवर्क प्लसको एज इन्टरकनेक्सन क्षमता ह्वावे र Hikrobot जस्ता उद्योग साझेदारहरूसँग मिलेर 5G LAN द्वारा सशक्त उद्योगको पहिलो बहु-AGV सहकार्य सिर्जना गर्न 3GPP मापदण्डहरू पूरा गर्नका लागि विकास गरिएको थियो । 5G LAN ले एज नेटवर्कहरूलाई सरल बनाउँछ, नेटवर्क दक्षता र उत्पादन लाइन उपलब्धतामा सुधार गर्छ र नेटवर्क निर्माण र मर्मतसम्भारको लागत घटाउँछ ।
अत्यधिक भरपर्दो क्याम्पस नेटवर्क: कोइला खानीहरूमा मुख्य सेवाहरूको निरन्तरता सुनिश्चित गर्दै
5G प्राइभेट नेटवर्क प्लसले उद्योग-अग्रणी उच्च-विश्वसनीयता क्याम्पस नेटवर्कहरू प्रदान गर्न चुस्त र अभिनव वन टेल्को क्लाउडको पनि लाभ उठाउँछ । ह्वावेले चाइना युनिकमलाई आफ्नो विद्यमान नेटवर्कलाई वान टेल्को क्लाउडमा परिणत गर्न र नेटवर्क सञ्चालनलाई सरल र थप लचिलो बनाउन एज नेटवर्कहरू वितरण गर्न मद्दत गरेको छ । ह्वावे क्लाउड कोर नेटर्वक प्रोडक्ट लाइनका अध्यक्ष रिचर्ड लिउले एक कार्यक्रममा वन टेल्को क्लाउड र यसको आफ्नै केन्द्रीकृत अपरेशन प्लेटफर्मको साथमा सेवाहरू खरिद गरेपछि मात्र एक क्लिकमा प्रदान गर्न सकिन्छ र वान-स्टप ग्यारेन्टीका साथ एक क्लिकमा निरन्तर सेवा अनुभव प्रदान गर्न सकिने बताउनु भयो ।
उद्यम क्याम्पसहरूमा 5GC आपतकालीन नियन्त्रण विमानमा भएका लगायत MEC उपकरणहरू प्रयोग गरेर उत्पादन डेटा स्थानीय रूपमा प्रशोधन गर्न सकिन्छ । घटनाहरुमा विपद् रिकभरी आवश्यक छ, जसमा 5G क्याम्पस नेटवर्कहरूले मुख्य उत्पादन सेवाहरूको विश्वसनीयता सुनिश्चित गर्न क्यारियर नेटवर्कसँग पनि काम गर्न सक्छ । क्याम्पस नेटवर्कको यो शैली सान्शी शीआंगिंग कोकिंग कोल ग्रुपको यानजीयाहे कोल माइनमा पहिले नै ठूलो प्रभाव पार्न प्रयोग गरिएको थियो ।
स्लाइस–आधारित निजी नेटवर्कहरू: एक फरक सेवा अनुभवको लागि अनुकूलित नेटवर्क स्लाइसहरू
अन्तमा, 5G निजी नेटवर्क प्लस, नेटवर्क स्लाइसहरू अनुकूलन गर्न सक्षम छ । यसले चार प्रकारका 5G नेटवर्क स्लाइसिङ उत्पादनहरू प्रदान गर्दछ: इकोनोमी-क्लास नेटवर्क स्लाइसिङ, बिजनेस-क्लास यू नेटवर्क स्लाइसिङ, बिजनेस-क्लास ई नेटवर्क स्लाइसिङ र फर्स्ट-क्लास नेटवर्क स्लाइसिङ । यी उत्पादनहरू सबै छरितो डिप्लोएमेन्ट, अनुकूलित कार्यहरू, लचिलो चार्जिङ र स्मार्ट अपरेशनहरू छन् । चाइना युनिकमको केन्द्रीकृत 5G स्लाइसिङ अपरेसन प्लेटफर्म मार्फत सेवा आवश्यकताहरूलाई नेटवर्क टेम्प्लेटहरूमा रूपान्तरण गर्न सकिन्छ र आवश्यक स्रोतहरू द्रुत रूपमा प्रयोग गर्न सकिन्छ ।
GSMA ग्रेटर चाइनाका अध्यक्ष सी हानले पनि 5G प्राइभेट नेटवर्क PLUS सँग 5G एप्लिकेसनहरू ठूलो मात्रामा अपनाउने तीव्रताका लागि चाइना युनिकमको प्रशंसा गर्नुभयो, जुन “5G शहर” लाई साकार पार्ने दिशामा ठूलो कदम हो ।