नेपाल टेलिकमले आफ्ना प्रिपेड ग्राहकका लागि किफायती मूल्यका दैनिक प्रयोग गर्न सकिने साथै मासिक रुपले प्रयोग गर्न सकिने सजिलो प्रिपेड कम्बो अफर उपलब्ध गराइरहेको छ । कम्पनीका प्रिपेड मोबाइलका ग्राहकहरुका लागि कम्पनीले यही असोज २ गतेदेखि रु. १९९ देखि रु. ६९९ सम्मका भ्वाइस, डाटा र सन्देश पठाउन सकिने प्याकहरु ल्याएको हो ।
एकपटक लिएपछि २८ दिनसम्म प्रयोग गर्न सकिने यस अफर अन्तर्गत रु. १९९ मा ४२०० एमबी (दैनिक १५० एमबी) डाटा, ४२० मिनेट (दैनिक १५ मिनेट) कुराकानी गर्ने र ४२० (दैनिक १५) वटा सन्देश पठाउन सकिने सुविधा उपलब्ध छ । त्यस्तै रु. ३४९ मा १४,००० एमबी (दैनिक ५०० एमबी) डाटा, १४०० मिनेट (दैनिक ५० मिनेट) कुराकानी गर्ने र १४०० (दैनिक ५०) वटा सन्देश पठाउन सकिने सुविधा पनि उपलब्ध छ ।
सम्बन्धित समाचार: नेपाल टेलिकमको इन्डिया भ्वाइस प्याक सार्वजनिक | पुर्ण विवरण
यसैगरी रु. ४९९ मा १९,६०० एमबी (दैनिक ७०० एमबी) डाटा, १९६० मिनेट (दैनिक ७० मिनेट) कुराकानी गर्ने र १९६० (दैनिक ७०) वटा सन्देश पठाउन सकिने सुविधा प्रयोग गर्न सकिन्छ । यस अफर अन्तर्गत रु. ६९९ मा २८ जिबी (दैनिक १ जिबी) डाटा, २८०० मिनेट (दैनिक १०० मिनेट) कुराकानी गर्ने र २८०० (दैनिक १००) वटा सन्देश पठाउन सकिने सुविधा उपलब्ध छ । अफर अन्तर्गत उपलब्ध सबै सुविधाहरु खरिद गरेको मितिदेखि २८ दिनसम्म सबै नेटवर्कमा प्रयोग गर्न सकिन्छ ।
यसका साथै यस अफर अन्तर्गत सन्देश मात्र पठाउनु पर्ने ग्राहकको आवश्यकतालाई ध्यानमा राखी जम्मा रु. ९८ मा २८ दिन भित्रमा जम्मा ६०० वटा र रु. ६० मा जम्मा ३०० वटा सन्देश पठाउन सकिने सुविधा पनि उपलब्ध गराइएको छ ।
| सजिलो प्रिपेड कम्बो अफर | मुल्य | अवधि |
| ३०० एसएमएस | रु. ६० | २८ दिन |
| ६०० एसएमएस | रु. ९८ | २८ दिन |
| ४२०० एमबी (दैनिक १५० एमबी) डाटा ४२० मिनेट (दैनिक १५ मिनेट) कुराकानी र ४२० एसएमएस (दैनिक १५) | रु. १९९ | २८ दिन |
| १४,००० एमबी (दैनिक ५०० एमबी) डाटा १४०० मिनेट (दैनिक ५० मिनेट) कुराकानी र १४०० एसएमएस (दैनिक ५०) | रु. ३४९ | २८ दिन |
| १९,६०० एमबी (दैनिक ७०० एमबी) डाटा १९६० मिनेट (दैनिक ७० मिनेट) कुराकानी र १९६० एसएमएस (दैनिक ७०) | रु. ४९९ | २८ दिन |
| २८ जिबी (दैनिक १ जिबी) डाटा २८०० मिनेट (दैनिक १०० मिनेट) कुराकानी र २८०० एसएमएस (दैनिक १००) | रु. ६९९ | २८ दिन |
यस अफर उपयोग गर्न, आफ्नो मोबाइलबाट *१४१५# डायल गरी वा ‘नेपाल टेलिकम एप’ प्रयोग गर्न सकिन्छ ।