नेपाल टेलिकमले इन्डिया भ्वाइस प्याक सार्वजनिक गरेको छ। ग्राहकहरुको सहजताका लागि भारतमा कल गर्न यो प्याक उपलब्ध गराएको हो। यो प्याक २०७९ भदौ १ देखि लागु हुनेछ। यस प्याकेज अन्तर्गत दैनिक, साप्ताहिक र मासिक गरि ३ वटा प्लान उपलब्ध छन्। ग्राहकहरुले उक्त प्लानहरु मध्ये आफूलाई उपयुक्त अफर छनोट गरी सदुपयोग गर्न सक्नेछन् ।
इन्डिया भ्वाइस प्याकमा डेली अफर अन्तर्गत २४ घण्टा (एक दिन) मा १७ मिनेट कुराकानी गर्न सकिने प्याक जम्मा रु. ५९ मा उपलब्ध छ । त्यस्तै विक्ली अफर अन्तर्गत ७ (एक हप्ता) दिनसम्म ७५ मिनेट र मन्थ्ली अफर अन्तर्गत ३० दिन (एक महिना) सम्म २ सय २१ मिनेट कुराकानी गर्न सकिने प्याकहरु क्रमश रु. २५९ मा र रु. ७५९ मा उपलब्ध छन् ।
| इन्डिया भ्वाइस प्याक (अवधि) | भ्वाइस (मिनेट) | मुल्य |
|---|---|---|
| डेली अफर (एक दिन) | १७ मिनेट | रु. ५९ /- |
| विक्ली अफर (एक हप्ता) | ७५ मिनेट | रु. २५९ /- |
| मन्थ्ली अफर (एक महिना) | २ सय २१ मिनेट | रु. ७५९ /- |
यो अफरसँगै अब ग्राहकहरुले ००, १४२४, १४२५ वा १४४५ एक्सेस कोडहरु प्रयोग गरी भारतमा उपलब्ध कुनै पनि मोबाइल तथा टेलिफोन नम्बरमा कल गर्न सक्नेछन्। यो प्याकेज खरिद गर्न,
-आफ्नो मोबाइलबाट *१४१५# डायल गर्नुहोस्
-त्यसपछि ७ नम्बर छनौट गर्नुहोस्।
यसरी इन्डिया भोइस प्याक खरिद गर्ने प्रक्रिया अघि बढाउन सक्नुहुनेछ। साथै कम्पनीको ‘नेपाल टेलिकम’ एप र www.ntc.net.np वेबसाइट मार्फत पनि यस सम्बन्धी जानकारी लिन तथा सेवा खरिद गर्न सक्नुहुनेछ।